Örnek
Hoş geldin eya berid-i canan Bahşet bana bir nüvid-i canan Can ola feda-yı iyd-i canan Bi-sud ola mı ümid-i canan Yarin bize bir selamı yok muEy Hızr-ı fütadegan söyle Bu sırrı idüp iyan söyle Ol sen bana terceman söyle Ketm etme yegan yegan söyle Gam defterinin tamamı yok mu
Ya Rabb ne intizardır bu Geçmez nice ruzgardır bu Hep gussa vü harhardır bu Duysam ki ne şive-kardır bu Vuslat gibi bir meramı yok mu
Çıkdım ser-i dara hemçü Mansur í‚vazım ezan-ı nefha-i sur Gal kıldı gülumu şah-ı mansur Oldum sipeh-i belaya mahsur Ol padişehin peyamı yok mu
Kam aldı bu çerhden gedalar Ferdalara kaldı aşinalar Durmaz mı o ahdler vefalar Geçmez mi bu etdiğim dualar Hal-i dilin intizamı yok mu
Dil hayret-i gamla lal kaldı Gaalib gibi bi-mecal kaldı Gönderdiğim arz-ı hal kaldı El`an bir ihtimal kaldı İnsafın o yerde namı yok mu
Şeyh Galib
